Санал, хүсэлт
Хуулийн этгээдээс дохионы хэлний хэлмэрч захиалах үйл явц ба үүрэг:
Хуулийн этгээдээс дохионы хэлний хэлмэрч, орчуулагч захиалах үйл явц:
- Захиалгыг оффис менежерт цахим хэлбэрээр болон утсаар өгнө.
- Тухайн үйл ажиллагаа болохоос 3-5 хоногийн өмнө, олон нийтийг хамарсан семинар, хурал болон томоохон арга хэмжээний орчуулга болон хөдөө орон нутагт томилолтоор ажиллах орчуулгыг хоёр долоо хоногоос 1 сарын өмнө захиална.
- Нэн яаралтай үйлчилгээг 1 өдрийн өмнө буюу 24 цагийн өмнө захиална.
- Орчуулгын үйлчилгээ дуусгавар болсны дараагаар “Хэлмэрчийн цагийн бүртгэлийн хуудас”-нд захиалагч тал гарын үсэг зурж баталгаажуулна.
- Хэлмэрч, орчуулагчийн цагийн бүртгэлийг үндэслэн, гэрээний дагуух тарифын дагуу ажлын хөлсийг тухай бүрд бүртгэж, үнийн дүнг “Дохионы хэлний хэлмэрч орчуулагчийн холбоо” ТББ-ын дансанд шилжүүлнэ.
Хэлмэрч захиалж буй хуулийн этгээдийн үүрэг:
- Сургалт, семинар, чуулган болон хэлэлцүүлэг нь 20 минутаас дээш хугацаатай тохиолдолд нэг хэлмэрч орчуулагчид ноогдох ачааллыг харгалзан 2 ба түүнээс дээш хэлмэрчдийг захиална.
- Хэрэв дээрх төрлийн үйлчилгээ нь багаар ажиллах зохион байгуулалттай, баг бүрт сонсголгүй иргэн байхаар бол баг тус бүрт хэлмэрч захиална.
- Уулзалт, ярилцлага болон нэг цагаас бага хугацааны үйл ажиллагаанд нэг хэлмэрч захиалах боломжтой.
- Төвөөс алслагдсан дүүрэгт ажиллах шаардлагатай тохиолдолд хэлмэрчийн унааны хөлсийг захиалагч байгууллага хариуцна.
- Хөдөө орон нутагт ажиллах тохиолдолд хэлмэрчийн томилолтын зардлыг захиалагч бүрэн хариуцна.